„ეს საჩუქარი და საზოგადოების სიკეთეებზე ზრუნვაც „ბოროტებად“ შერაცხა ჩვენმა „საამაყო“ კრიტიკულმა მედიამ და სპეკულაციები დაიწყო ფინანსურ-იურიდიულ დეტალებზე, რაზედაც ფონდმა კომპეტენტური პასუხი გასცა, ხოლო თვითონ, ჩვენი ოპო-მედია იმაზე მეტად სამარცხვინო ხდება, ვიდრე ოდესმე. ყველა ზღვარი მოეშალათ და იმდენად ამორალურები გახდნენ, რომ დღითიდღე უფრო ტოქსიკური ხდება მათი არსი“, - ასე ეხმიანება „ხალხის ძალის“ წევრი ზურაბ ქადაგიძე ფონდი „ქართუს“ განცხადებას, სადაც აღნიშნულია, რომ „ქართუს“ მიერ კომპანია „სულაჟერში“ წილების შეძენისა და ბიზნესმენ დავით ხიდაშელთან ფარული  გარიგებების თაობაზე გავრცელებული ინფორმაცია სიცრუეა.

მისი თქმით, ფონდი „ქართუ“ იყო და რჩება საქართველოს მხარდამჭერად და მთავარ კონტრიბუტორად ქართული საზოგადოებისათვის სიკეთეების შექმნის საქმეში.

„საქართველოში სფერო არ დარჩენილა, სადაც ფონდ „ქართუს“ თავისი პოზიტიური კვალი და მნიშვნელობა არ დაეტოვებინოს... კიდევ ერთი განსაკუთრებული საჩუქარი გაუკეთა ფონდმა საზოგადოებას, როდესაც ანტივირუსული პრეპარატი „სულაჟერის“ ლაბორატორიული კვლევები დაიწყო, სადაც ჩართული იყო ბიზნესმენი დავით ხიდაშელი. აღნიშნული პრეპარატი მოქმედებს, როგორც ვირუსების წინააღმდეგ, განსაკუთრებით კოვიდ 19-ის მკურნალობისას... ეს საჩუქარი და საზოგადოების სიკეთეებზე ზრუნვაც „ბოროტებად“ შერაცხა ჩვენმა „საამაყო“ კრიტიკულმა მედიამ და სპეკულაციები დაიწყო ფინანსურ-იურიდიულ დეტალებზე, რაზედაც ფონდმა კომპეტენტური პასუხი გასცა, ხოლო თვითონ, ჩვენი ოპო-მედია იმაზე მეტად სამარცხვინო ხდება, ვიდრე ოდესმე. ყველა ზღვარი მოეშალათ და იმდენად ამორალურები გახდნენ, რომ დღითიდღე უფრო ტოქსიკური ხდება მათი არსი... თუმცა ფაქტი ერთია - ფონდი „ქართუ“ იყო და რჩება საქართველოს მხარდამჭერად და მთავარ კონტრიბუტორად ქართული საზოგადოებისათვის სიკეთეების შექმნის საქმეში“, - წერს ქადაგიძე ფეისბუქზე.