ოკუპანტები აგრძელებენ შეტევითი ქმედებების განხორციელებას ბახმუტის მიმართულებით, ისინი ფრონტის ხაზზე უკვე მობილიზებულებს უშვებენ. ამის შესახებ უკრაინის გენერალური შტაბის დილის მიმოხილვაშია ნათქვამი.

ამავე ინფორმაციით, ოკუპანტებმა განახორციელეს 10 სარაკეტო და 19 საჰაერო დარტყმა, განახორციელეს 90-ზე მეტი შეტევა სარაკეტო სისტემებიდან.

„განადგურდა 30-ზე მეტი დასახლების ინფრასტრუქტურა და დაშავდნენ მშვიდობიანი მოქალაქეები. მტერმა გამოიყენა შვიდი საზენიტო მართვადი რაკეტა ზაპოროჟიეზე თავდასხმისთვის“, - აცხადებენ უკრაინულ ძალებში.

ვითარება მნიშვნელოვნად არ შეცვლილა ვოლანის მიმართულებით.

„კრიტიკულ მდგომარეობაშია ე.წ. პირველი არმიის კორპუსის 127-ე მსროლელი პოლკი. ნაჩქარევად ჩამოყალიბებული პოლკი, 49-ე არმიის მეთაურის გადაწყვეტილებით, სასწრაფოდ გადაიყვანეს ბრძოლის პირველ ხაზზე ხერსონისა და მიკოლაივის რაიონებში.

მობილიზებული სამხედრო მოსამსახურეების ახლობლებმა მოამზადეს მიმართვა რუსეთის ფედერაციის ძალოვანი სტრუქტურებისადმი მნიშვნელოვანი დანაკარგებისა და სამხედრო სარდლობის უმოქმედობის შესახებ. ქვედანაყოფებში წყლისა და საკვების დეფიციტია.

სამხედრო პერსონალი, საუკეთესო შემთხვევაში, აღჭურვილია მოძველებული დამცავი აღჭურვილობით, რაც იწვევს უამრავ მსხვერპლს“, - ნათქვამია მოხსენებაში.