საქართველოს 2023 წლის სახელმწიფო ბიუჯეტის პროექტის საკომიტეტო განხილვები პარლამენტში გრძელდება. ქვეყნის მთავარ ფინანსურ დოკუმენტს დღეს კულტურის, სპორტისა და ახალგაზრდულ საქმეთა და განათლების და მეცნიერების კომიტეტებზე განიხილავენ.

2023 წლის ბიუჯეტი 21 მლრდ 302 მლნ ლარით განისაზღვრება. დოკუმენტის მიხედვით, 2023 წლიდან იზრდება პენსიები, პედაგოგების, პოლიციელების, ჯარისკაცების და უსაფრთხოების სამსახურის ხელფასები. ასევე იზრდება განათლების, ჯანდაცვისა და სოციალური პროგრამების დაფინანსებაც.

მომავალი წლის საბიუჯეტო პროექტით იზრდება სამინისტროების, პარლამენტის და მასთან არსებული ორგანიზაციების, დაფინანსებაც.