საფრანგეთმა პირობა დადო, რომ უკრაინის ქალაქების დასაცავად უკრაინაში საჰაერო თავდაცვის სისტემებს გააგზავნის. ამის შესახებ Associated Press წერს.

დაახლოებით 2 000 ჯარისკაცი გაიგზავნება საფრანგეთში, სადაც ისინი გაივლიან საბრძოლო მომზადებას, სპეციალიზებულ წვრთნას ლოგისტიკაში და სხვა საჭიროებებში რამდენიმე კვირის განმავლობაში.

ქვეყნის თავდაცვის მინისტრის სებასტიან ლეკორნის თქმით, საფრანგეთი ასევე ემზადება Crotale-ს საზენიტო-სარაკეტო სისტემების გაგზავნისთვის, რომლებიც „განსაკუთრებით სასარგებლო იქნება საჰაერო დაბომბვის დროს“.

როგორც მინისტრმა აღნიშნა, ქვეყანაში სულ 12 ასეთი სისტემაა, თუმცა, მათგან რამდენი გაიგზავნება უკრაინაში, არ დააკონკრეტა.