„ყველაფერი უნდა გავაკეთოთ იმისთვის, რომ უკრაინული მარცვლეულის ექსპორტი გაფართოვდეს“, - აცხადებს უკრაინის პრეზიდენტი მორიგ ვიდეომიმართვაში.

ვოლოდიმირ ზელენსკის თქმით, მარცვლეულის ექსპორტის გაფართოება ხალხისთვის სამუშაო ადგილების, ხოლო ქვეყნისთვის ექსპორტიდან მიღებული შემოსავლის გაზრდის წინაპირობაა.

„ამასთან, ეს იქნება კაპიტალი მომავალი წლის თესვის კამპანიის უზრუნველყოფა. მთელი მსოფლიოსთვის, ეს არის სტაბილურობის ერთ-ერთი მთავარი გარანტი. ის, თუ როგორ ეხმარება უკრაინა მსოფლიოს ნორმალური ცხოვრების შენარჩუნებაში, მხოლოდ ჩვენი სახელმწიფოს რეპუტაციას აძლიერებს და გვიადვილებს ახალი კავშირების დამყარებას სხვადასხვა რეგიონში“, - განაცხადა უკრაინის პრეზიდენტმა.