„რესპუბლიკური პაერტიის" მაჟორიტარი დეპუტატობის კანდიდატი ზესტაფონში თინა ხიდაშელი „ნაციონალური მოძრაობის" ხელისუფლების პირობებში მოკლულ ბუტა რობაქიძეს ისენებს:

„ბუტას დაბადების დღეა.

ძალადობის, თავზეხელაღებულობის პირველი მსხვერპლი იყო ბუტა.

ყველა დადუმდა. უმრავლესობა არ იჯერებდა რომ ხელებაწეული ახალგაზრდა ბიჭი მთვრალმა პოლიციელმა გიორგობის ღამეს მოკლა და შემდეგ ყაჩაღობა დააბრალა.

მაშინ ბუტა ბევრჯერ მოკლეს, მაშინ როცა იარაღი ჩაუდეს ხელახლა მოკლეს, როდესაც სასამართლოში ყაჩაღი ეძახეს, როდესაც მთელი სახელმწიფო სისტემა მის ღირსებას დაუპირისპირდა და უკვე მოკლულ ბიჭს ებრძოდნენ საკუთარი სისასტიკის დასაფარად...

დღეს იგივე ადამიანებს სხვადასხვა ფერი აქვს, ზოგი ისევ თეთრ/წითელია, ზოგმა ფერი იცვალა. ფერისცვალების მიუხედავად მათ ყველას ერთად უნდა დავემშვიდობოთ. ყველას უნდა ვუთხრათ არა."