იტალიაში მიწისძვრის შედეგად დაღუპულთა რაოდენობა  გაიზარდა. ბოლო ინფორმაციით, გარდაცვლილთა რაოდენობამ 247-ს გადააჭარბა. დაშავებულია 368 ადამიანი.

4 300-ზე მეტი მაშველი, მძიმე ტექნიკის დახმარებით, მთელი ღამის განმავლობაში, ნანგრევებში გადარჩენილებს ეძებდა.

ქვეყნის ჯანდაცვის მინისტრის განცხადებით, დაღუპულთა შორის ბევრი მცირეწლოვანია და მსხვერპლის რაოდენობა კიდევ გაიზრდება.

მიწისძვრა ცენტრალურ იტალიაში გუშინ გამთენიისას მოხდა. ეპიცენტრი ქალაქ პერუჯას სამხრეთ აღმოსავლეთით დაფიქსირდა. მიწისძვრის სიმძლავრემ 6.2 მაგნიტუდა შეადგინა. სტიქიის შედეგად დაინგრა ეპიცენტრთან მდებარე ქალაქები და სოფლები. ქალაქი ამატრიჩე თითქმის მთლიანად განადგურებულია.