„მე აბსოლუტურად არაფერი - ქონება, ბიზნესკავშირები, საბანკო ანგარიში არასდროს მქონია რუსეთში, არ მაქვს და რა თქმა უნდა, არც მექნება“, - ამის შესახებ უმრავლესობის წევრმა ისკო დასენმა „ჯორჯიან თაიმსს“ განუცხადა ლევან ხაბეიშვილის განცხადების კომენტირებისას.

ისკო დასენი ხაბეიშვილს მასხარასა და თაღლითს უწოდებს და ამბობს, რომ ხაბეიშვილი ტყუილებისთვის ნაცემიც არის. 

„ხაბეიშვილი არის მასხარა, არის თაღლითი. ის ამ ტყუილებისთვის, რასაც ის აკეთებს, რამდენიმეჯერ ნაცემიც კი არის, ეგ არის უნამუსო . მე მაგაზე იმასაც ვერ ვიტყვი, რომ არის კაცი. მეტს ვერაფერს აბსოლუტურად ვერ ვიტყვი. მე არაფერი იქ არ მაქვს, არ მქონია და არც მექნება“, - განაცხადა ისკო დასენმა.