პოლონეთში მომხდარი ავტოსაგზაო შემთხვევის შესახებ, რომლის შედეგად 3 ადამიანი გარდაიცვალა, საქართველოს საელჩო პოლონეთში ინფორმირებულია.

როგორც საქართველოს საგარეო საქმეთა სამინისტროში აცხადებენ ამ ეტაპზე პოლონურ მხარესთან მუშაობა მიმდინარეობს.

„ამ ეტაპზე მიმდინარეობს მუშაობა პოლონურ მხარესთან ოფიციალური ინფორმაციისა და დამატებითი დეტალების მიღების მიზნით“, - აცხადებენ სამინისტროში.

პოლონური მედიის ცნობით, ქალაქ პოზნანთან ავტოსაგზაო შემთხვევას საქართველოს სამი მოქალაქე ემსხვერპლა.