იტალიის ახალმა პრემიერ-მინისტრმა მმართველი კოალიცია უკვე ჩამოაყალიბა. ქვეყანას ულტრამემარჯვენე მთავრობა აქვს, რაც მეორე მსოფლიო ომის დასრულების შემდეგ პირველად მოხდა.

იტალიის ქალმა პრემიერ-მინისტრმა, ჯორჯია მელონიმ ფიცი უკვე დადო. ახალი მთავრობის ფორმირებამდე რამდენიმე საათით ადრე, 45 წლის მელონიმ ჟურნალისტებს განუცხადა, რომ მან და მისმა მოკავშირეებმა ერთხმად სთხოვეს პრეზიდენტს, მისთვის ქვეყნის მართვის მანდატი მიენიჭებინა. მელონის პარტიამ „იტალიის ძმები“ სექტემბერში გამართულ არჩევნებში ამომრჩევლების ყველაზე მეტი ხმა მოიპოვა.