„ტურიზმის მიმართულებით ჩვენ ინფრასტრუქტურის გაუმჯობესების კუთხით გვექნება მომავალ წელსაც გვექნება ინვესტიციები, რაც გულისხმობს ახალი საბაგირო გზების მშენებლობას, არსებულების გაუმჯობესებას და არსებულ მთის კურორტებში ინფრასტრუქტურის მოწესრიგებას“, - ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა „იმედი კვირა“-ში ისაუბრა.

„ვინარჩუნებთ მეწარმეობის ხელშეწყობის მნიშვნელოვან კომპლექსურ პროგრამასაც და „აწარმოე საქართველოს“ ყველა მიმართულება დაფინანსებულია 2023 წლისთვის. ამიტომ ის პროექტები, რომელიც უკვე პოპულარულია ბიზნესში გათვალისწინებულია 2023 წლისთვის და ყველა ეს პროგრამა იმუშავებს“, - განაცხადა ლევან დავითაშვილმა.