ერაყის დედაქალაქ ბაღდადში მდებარე ერთ-ერთ ავტოფარეხში მომხდარ აფეთქებას მსხვერპლი მოჰყვა, - ამის შესახებ Reuters იუწყება.

მომხდარის შედეგად სულ მცირე 10 ადამიანი დაიღუპა და 20-ზე მეტი დაიჭრა.

მსხვერპლთა უმეტესობა ავტოფარეხის სიახლოვეს არსებულ სტადიონზე ფეხბურთს თამაშობდა.

გავრცელებული ინფორმაციით, აფეთქება ავტომობილზე მიმაგრებული ასაფეთქებელი მოწყობილობის ამოქმედებამ გამოიწვია.

მომხდარზე პასუხისმგებლობა ჯერჯერობით არცერთ დაჯგუფებას არ აუღია.