ინდოეთში, უტარ-პრადეშის შტატის ქალაქ რაე ბარელიში ალკოჰოლდამოკიდებული მაიმუნი მაღაზიებიდან სასმელს იპარავს. ამის შესახებ გამოცემა India Times იტყობინება.

გამოცემის ცნობით, რამდენიმე შემთხვევაში მაიმუნმა ალკოჰოლური სასმელი მაღაზიიდან გამოსულ ადამიანებს გამოსტაცა. ლუდის მსმელი მაიმუნის ვიდეო სოციალურ ქსელებში ვირუსულად გავრცელდა. მაღაზიების პერსონალი ამბობს, რომ მაიმუნისთვის წინააღმდეგობის გაწევის შემთხვევაში ის აგრესიული ხდება.

ადგილობრივი პოლიცია და სატყეო დეპარტამენტი მაიმუნის დაჭერას ცდილობენ.