ბორჯღალოსნების მიერ უელსის უძლიერესი ნაკრების კარდიფში დამარცხებამ სარაგბო სამყარო აალაპარაკა. საინტერესო და სახალისო პოსტი გამოაქვეყნა ჯორჯიის შტატის რაგბის კავშირმა, რომელიც მთელი მსოფლიოდან მილოცვებს იღებს.

„სანამ ჩვენ მოლოცვებს ვიღებთ, უნდა აღვნიშნოთ, რომ ჩვენ ვართ ჯორჯის შტატის რაგბის კავშირი, ამერიკის შეერთებული შტატები და ჩვენ დღეს უელსისთვის არ მოგვიგია. თუმცა, მადლობა! ვულოცავთ ქართველ ხალხს ამ ისტორიულ გამარჯვებას“, - წერია ჯორჯიის შტატის რაგბის კავშირის მიერ გავრცელებულ განცხადებაში.