იურიდიულ საკითხთა კომიტეტის თავმჯდომარის პირველი მოადგილე დავით მათიკაშვილი  სტუდენტური პარლამენტის წევრებს  შეხვდა და ევროკავშირის 12 - პუნქტიან გეგმაზე  და  საქართველოს ევროპული არჩევანის პერსპექტივებზე და ისტორიულ ფაქტებზე ესაუბრა.

დავით მათიკაშვილმა ყურადღება გაამახვილა საქართველო-ევროკავშირის ასოცირების შესახებ შეთანხმებაზე, აღმოსავლეთ პარტნიორობის ფორმატზე, ნატოსთან ურთიერთობაზე და 12 - პუნქტიანი გეგმის  რეკომენდაციების შესრულების მიმართულებით პარლამენტის საქმიანობაზე.

„ვფიქრობ, რომ ძალიან მნიშვნელოვანია ასეთი შეხვედრები მომავალშიც გაიმართოს, რაც ხელს შეუწყობს ახალგაზრდებში ცნობიერების უფრო მეტად ამაღლებას, თუ რატომ კეთდება  ცივილიზაციური არჩევანი ევროპის სასარგებლოდ“, - აღნიშნა დავით მათიკაშვილმა.