იტალიის კუნძულ ისკიაზე მეწყერის ჩამოწოლის შედეგად 5 ადამიანი უგზო-უკვლოდ დაიკარგა. ამის შესახებ Reuters იუწყება.

მეწყერი კოკისპირულმა წვიმებმა გამოიწვიეს. რამდენიმე სახლი მიწამ მთლიანად დაფარა. იტალიის საგანგებო სამსახურის ცნობით, ამჟამად სამაშველო ოპერაცია მიმდინარეობს.

ძლიერი წვიმით გამოწვეულმა წყალდიდობამ ავტომობილი წაიღო, რომელშიც ორი ადამიანი იმყოფებოდა. მათი გადარჩენა მოხერხდა.