საქართველოში მცხოვრებმა რუსეთის მოქალაქეებმა ომის საწინააღმდეგო აქცია გამართეს.

აქციის მონაწილეებს ხელში ტრანსპარანტები ეჭირათ წარწერით „მე რუსი ვარ, მაგრამ ომს ვეწინააღმდეგები“, „იბრძოლეთ უკრაინისთვის“.

აქციაზე სიტყვით გამოვიდნენ რუსეთისა და საქართველოს მოქალაქეები.

აქციის მონაწილეების განცხადებით, ყველა რუსი მკვლელი არ არის და ყველას არ მოსწონს კრემლის ლიდერის რეჟიმი.

ამასთან, საპროტესტო აქციის მონაწილეებმა უკრაინელი ლტოლვილებისთვის ჰუმანიტარული დახმარება და ფული შეაგროვეს.