საფრანგეთის უმაღლესმა ადმინისტრაციულმა სასამართლომ პლაჟზე ბურკინის ტარების აკრძალვა შეაჩერა.

საფრანგეთის რამდენიმე ქალაქში ბურკინის ტარების აკრძალვა უფლებადამცველთა ჯგუფმა „ადამიანის უფლებათა ლიგამ" გაასაჩივრა.

ივლისის ბოლოს-აგვისტოს დასაწყისში საფრანგეთის სანაპიროზე მდებარე შვიდი ქალაქის ხელისუფლებამ მუსლიმური საცურაო კოსტიუმის - ბურკინის ტარება აკრძალა. აკრძალვის დამრღვევებს პლაჟიდან გაძევება და ჯარიმა ემუქრებოდათ.

ბოლო ორი კვირის განმავლობაში ფრანგულ რივიერაზე ბურკინის ტარებისთვის 16 ქალი დააჯარიმეს, რასაც უფლებადამცველები მუსლიმთა უფლებების დარღვევად მიიჩნევენ.