აშშ-ის შეიარაღებული ძალების მეთაურთა გაერთიანებული კომიტეტის ხელმძღვანელმა, გენერალმა მარკ მილიმ განაცხადა, რომ რუსეთის მიერ გაჩაღებული ომი უკვე 10 თვე გრძელდება და ვლადიმირ პუტინმა უკრაინაში ყველა მიმართულებით მარცხი განიცადა.

ამერიკელმა გენერალმა აღნიშნა, რომ ამ ფონზე, რუსეთი უკრაინის ენერგეტიკულ ინფრასტრუქტურაზე ახორციელებს დარტყმებს.

„უკრაინელი სამხედროები არ არიან დამოკიდებული ამ ენერგეტიკულ ინფრასტრუქტურაზე სამხედრო ოპერაციების ჩატარებისას. [რუსეთის] ეს დარტყმები ზრდის უკრაინელი ხალხის გამძლეობისა და წინააღმდეგობის გაწევის დონეს“, - ხაზგასმით აღნიშნა მილიმ.