გერმანიის მოსახლეობის ნახევარი ანგელა მერკელის მიერ კანცლერის თანამდებობის კიდევ ერთხელ დაკავების წინააღმდეგ გამოდის.

სოციოლოგიური ინსტუტის, Emnid-ის მიერ ჩატარებული გამოკითხვის შედეგად, მერკელის აღნიშნულ თანამდებობაზე დარჩენას გამოკითხულთა მხოლოდ 42% უჭერს მხარს.

ამასთანავე, კვლევის შედეგები ცხადჰყოფს, რომ ქრისტიან-დემოკრატიული პარტიის მხარდამჭერთა 70% ანგელა მერკელის კანცლერის თანამდებობაზე დარჩენას მხარს უჭერს. 22 % კი ამ გადაწყვეტილების საწინააღმდეგოდ გამოდის.

თავად ანგელა მერკელს საკუთარი კანდიდატურის მეოთხედ წამოყენების გადაწყვეტილება ამ დრომდე არ მიუღია.

ბუნდესტაგის არჩევნები 2017 წლის შემოდგომაზე გაიმართება.