რუსეთმა კიევზე მასირებული სარაკეტო იერიში განახორციელა. ამის შესახებ BBC წერს.

უკრაინის დედაქალაქის მერის, ვიტალი კლიჩკოს განცხადებით, არის ნგრევა, დაღუპულია, სულ მცირე, ერთი ადამიანი. აფეთქებების ხმა კიევის სამ რაიონში ისმოდა.

ამასთან, ადგილობრივი მედიის ინფორმაციით, სარაკეტო თავდასხმები განხორციელდა ხარკოვის ოლქში, ქალაქებში ხმელნიცკსა და ზაპოროჟიეში. მანამდე საჰაერო განგაში უკრაინის მთელ ტერიტორიაზე გამოცხადდა.