NASA-მ „მარსზე ცხოვრების" ექსპერიმენტი დაასრულა. ექსპერიმენტის ხანგრძლივობა ერთ წელს შეადგენდა. აერონავტიკისა და კოსმოსური სივრცის კვლევის ეროვნულმა სამმართველომ ექსპერიმენტის ადგილად ჰავაის კუნძულები შეარჩია. სიმულაციაში მონაწილეობა 6 ადამიანმა მიიღო, ისინი იმ პირობებში ცხოვრობდნენ, რაც მარსზე წასულ ასტრონავტებს დახვდებათ.

ექსპერიმენტი 2015 წლის 29 აგვისტოს დაიწყო. ფრანგი ასტრობიოლოგი, გერმანელი ფიზიკოსი და ოთხი ამერიკელი მფრინავი, არქიტექტორი, ჟურნალისტი და აგრონომი, ძალიან მცირე ფართობის მქონე ნაგებობაში ცხოვრობდნენ, ისე, რომ არც ერთ მათგანს პირადი სივრცე არ ჰქონდა.

სუფთა ჰაერსა და ახალ საჭმელს მოკლებული მკვლევარები, ძირითადად, კონსერვებით იკვებებოდენ, გარეთ გასვლა კი მხოლოდ სპეციალური აღჭურვილობის მეშვეობით შეეძლოთ. ექსპერიმენტის მთავარი მიზანი იმის გაგება იყო, რას გრძნობს ადამიანი მსგავს პირობებში.

სიმულაცია ჰავაის უნივერსიტეტმა NASA-მ ს მხარდაჭერით ჩაატარა. ორგანიზატორების განმარტებით, ექსპერიმენტის მონაწილეები თავს კარგად გრძნობენ, თუმცა ახალმომზადებული საკვების გასინჯვა და ოკეანეში ბანაობა სურთ.

NASA-მ ს მიერ ჩატარებული სიმულაცია ხანგრძლივობით მეორეა. მსგავსი ექსპერიმენტი პირველად რუსეთში ჩაატარეს, რომელიც 520 დღის განმავლობაში გრძელდებოდა.