ოპოზიციონერმა გიორგი რურუამ საკუთარ ფეისბუქ-გვერდზე „ნაციონალური მოძრაობის“ თავმჯდომარის ნიკა მელიას მხარდამჭერი სტატუსი გამოაქვეყნა.

როგორც რურუა წერს, ნიკა მელიას ებრძვიან რეტროგრადი მოხელეები, მათ შორის შს ყოფილი მინისტრი ვანო მერაბიშვილიც.

მისივე თქმით, პირად საუბრებში მერაბიშვილი მიშა სააკაშვილს აბრალებდა ომის დაწყებას.

„ნავალნის პოლიტიკაში მოსვლა განაპირობა მის სახლთან ახლოს დაგროვილმა ნაგავმა. მან გაარკვია, რატომ არ გაჰქონდათ ნარჩენები დროულად და, თითქოს ამ უმნიშვნელო ფაქტის გარშემო აღმოაჩინა კორუფციის ზღვა, ოკეანე, რაც გახდა მისი პოლიტიკაში მოსვლის საბაბი.

ახლა ჩვენთან რა ხდება, ნიკა მელიას ებრძვიან რეტროგრადი მოხელეები, მერაბიშვილის თამადობით. პოლიტიკიდან წასული  გამდიდრებული ადამიანი საზოგადოებისთვის უნდა გახდეს კეთროვანი - მიუღებელი.

ივანიშვილსაც აწყობს მერაბიშვილის დაბრუნება მთავარ ოპოზიციურ ძალაში.

პირად საუბრებში ჩვენს უცხოელ პარტნიორებთან მერაბიშვილი მიშა სააკაშვილს აბრალებდა ომის დაწყებას. დიდი ეჭვი არსებობს მისი და რუსული სპეცსამსახურების ურთიერთობის შესახებ. აქ მოკლედ დავწერე მთავარი აქცენტები. მე ვუჭერ მხარს ნიკა მელიას, ვუსურვებ გამარჯვებას, როგორც შიდა, ასევე ,მომავალ არჩევნებში!“ - წერს გიორგი რურუა.