ნიდერლანდების პრემიერ-მინისტრმა, მარკ რუტემ განაცხადა, რომ ნიდერლანდები უკრაინაში Patriot-ის სარაკეტო თავდაცვის სისტემის გაგზავნას გეგმავს. ამის შესახებ მარკ რუტემ თეთრ სახლში ჯო ბაიდენთან შეხვედრის დროს განაცხადა.

„ჩვენ გვაქვს განზრახვა, შევუერთდეთ იმას, რასაც თქვენ აკეთებთ გერმანიასთან ერთად Patriot-ის პროექტზე, ვფიქრობ, მნიშვნელოვანია, რომ ჩვენ ვუერთდებით ამას“, - აღნიშნა მარკ რუტემ.

ნიდერლანდების პრემიერ-მინისტრის თქმით, მან ეს საკითხი უკვე განიხილა გერმანიის კანცლერ ოლაფ შოლცთან და უკრაინის პრეზიდენტ ვოლოდიმირ ზელენსკისთან.