"დღეს, ენერგეტიკა არის ერთ-ერთი ყველაზე აქტუალური თემა მსოფლიო პოლიტიკაში და ასევე ეკონომიკური პლატფორმებზე," - ამის შესახებ ვიცე-პრემიერმა, საქართველოს ეკონომიკისა და მდგრადი განვითარების მინისტრმა ლევან დავითაშვილმა „ქრონიკაში“ განაცხადა.

„დავოსში, ბევრი საინტერესო ენერგეტიკული კომპანია იღებდა მონაწილეობას. ჩვენ გვქონდა ლიდერ კომპანიებთა შეხვედრები. ამ კომპანიების მხრიდან არსებობს დაინტერესება საქართველოს ენერგოპროექტებით.

​ბოლო დროს უფრო და უფრო მეტი აქცენტი კეთდება ე.წ. მწვანე წყალბადზე. საქართველოს ყველა მიმართულებით აქვს გარკვეული პროგრესი.

გვაქვს მოლოდინი, რომ 2023 წელი იქნება სხვადასხვა პროექტის განხორციელების წელი“, - აღნიშნა ლევან დავითაშვილმა.