მარტვილის მუნიციპალიტეტის მერიაში, მერის წარმომადგენლებთან და შესაბამისი სამსახურის თანამშრომლებთან, სტიქიასთან დაკავშირებით, სამუშაო შეხვედრა გაიმართა.

მარტვილის მუნიციპალიტეტის მერმა თორნიკე ჯანაშიამ მერის წარმომადგენლებს სტიქიის კომისიის გადაწყვეტილება გააცნო. სტიქიის შედეგად დამდგარი ზარალის შემსწავლელი კომისიის გადაწყვეტილებით, მოქალაქეებს ზიანი კომპენსაციის სახით შესაბამისი თანხებით აუნაზღაურდებათ.

მთავრობის განკარგულებით 171 ბენეფიციარის  დასახმარებლად  96 000 ლარი, ხოლო სტიქიით დაზიანებული ინფრასტრუქტურული ობიექტების აღსადგენად 80 000 ლარი გამოიყო. ეტაპობრივად, ზარალი სტიქიით დაზარალებულ ყველა მოქალაქეს აუნაზღაურდება.