„ქართული ოცნების“ აღმასრულებელი მდივნის მამუკა მდინარაძის „იმედი ლაივთან“ ინტერვიუს დიმიტრი სამხარაძე სოციალურ ქსელში ეხმაურება.

„ქურქუმალებო, გაიცანით მამუკა მდინარაძე? ეჭვი მეპარება, კარგად გაგეცნოთ.

ასე იქნება ყველგან! მიიღებთ სიფათში ქართულ, კაცურ პასუხს! ამათ ქვეყნის არევა უნდათ, ქართველების სისხლის ღვრა სწყურიათ და, რა თქმა უნდა, მათი მხრიდან წამოსულ პროვოკაციას ვუპასუხებთ ათასჯერ ხისტად! მოვექცევით იმაზე უარესად, ვიდრე აქეთ დააპირებენ! ზოგი ამბობს, თმენის ვალდებულება, კორექტულობა და მსგავს იდიოტობებს! მიმიფურთხებია ყველა ჩინზე და მანდატზე, როდესაც გებრძვის შენი ქვეყნის მტერი, რომელსაც ომში უნდა ჩაითრიოს საქართველო! რა უფრო მნიშვნელოვანია, თმენის ვალდებულება თუ მშვიდობისთვის ბრძოლა ნებისმიერი, კანონიერი გზით? ამიტომ ჯერ სად ხართ! უბრალოდ გაკვირდებით, ისედაც იბანძებთ თავს და ხელი რატომ შეგიშალოთ? მერე მართლა განახებთ მივარდნას, შევარდნას და თქვენი ლიდერებისთვის დისკომფორტის შექმნას! პირველი ბლუკუნა დაპანჩურებული ვანოია იქნება, გარეთ თავს ვერ გამოყოფს, ისედაც შეშინებული იმალება!

მოკლედ და კონკრეტულად რომ ვთქვათ,  რასაც ჩვენს წინააღმდეგ განიზრახავთ, ათასჯერ უარესად და ხარისხიანად დაგიბრუნებთ“, - წერს დიმიტრი სამხარაძე.