"აი ასე ხდება ხელოვნური ლიდერების გამოძერწვა და მერე მათი თავს მოხვევა ჩვენნაირი საზოგადოებისთვის, რომელსაც ორიენტირები აქვს არეული "- ასე ეხმაურება ექსპერტი ზაალ ანჯაფარიძე საფრანგეთის პრეზიდენტის მიერ საქართველოს ყოფილი სახალხო დამცველის ნინო ლომჯარიას ღირსების ეროვნული ორდენით დააჯილდოებას.

როგორც ანჯაფარიძე აღნიშნავს, ადრე სახდეპარტამენტმა დააჯილდოვა ლომჯარია, იმაზე უფრო ადრე აშშ-ის ელჩმა ქართველი ერის „ჩემპიონად" მონათლა.

„აი ასე ხდება ხელოვნური ლიდერების გამოძერწვა და მერე მათი თავს მოხვევა ჩვენნაირი საზოგადოებისთვის, რომელსაც ორიენტირები აქვს არეული. ადრე სახდეპარტამენტმა დააჯილდოვა ლომჯარია, იმაზე უფრო ადრე აშშ-ის ელჩმა ქართველი ერის „ჩემპიონად" მონათლა. ეს ხრიკი მეტნაკლებად მუშაობდა 10-15 წლის წინათ. ეხლა კი მგონია რომ ჩვენმა საზოგადოებამ რაღაც რაღაცეები ისწავლა, გაიაზრა და მსგავს ბრჭყვიალა სატყუარებს აღარ გადაყლაპავს“ - წერს ზაალ ანჯაფარიძე Facebook-ზე.