საქართველოს ეროვნულმა არქივმა 100-გვერდიანი წიგნი გამოსცა, სახელწოდებით  „ჩვენი არქივი - ჩვენი საუნჯე".  წიგნი თემატურადაა დაყოფილი და რამდენიმე ბლოკისგან შედგება: ისტორიული საბუთები; ხელნაწერ წიგნთა კოლექცია; უცხოური ხელნაწერები და ისტორიული საბუთები; მწერალთა და საზოგადო მოღვაწეთა ავტოგრაფები და ა.შ.

100-გვერდიან გამოცემაში, ერთი მხრივ, გვხვდება საზოგადოებისთვის მეტ-ნაკლებად ცნობილი ხელნაწერები და ისტორიული საბუთები, ხოლო მეორე მხრივ - მასალა, რომელიც პირველად ქვეყნდება.

წიგნი ორენოვანია და განსაზღვრულია საზოგადოების ფართო წრისათვის.