საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჟოზეფ ბორელმა განაცხადა, რომ უკრაინას მეტი საბრძოლო მასალა სჭირდება.

ჟოზეფ ბორელის თქმით, მომდევნო რამდენიმე კვირა უკრაინაში მიმდინარე ომში გადამწყვეტი იქნება.

„უკრაინის არმიას სასწრაფოდ ესაჭიროება დიდი რაოდენობით საბრძოლო მასალა რუსეთის აგრესიის დასაძლევად“, - აღნიშნა საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა.

„საამისოდ დრო არსებითია. სიჩქარე ნიშნავს სიცოცხლეს. სასწრაფოდ უნდა ვუპასუხოთ. არა მხოლოდ მეტი მხარდაჭერა, არამედ მისი უფრო სწრაფი უზრუნველყოფაა საჭირო“, - დასძინა ბორელმა.