მთაწმინდის მაჟორიტარობის კანდიდატმა და ყოფილმა საგარეო საქმეთა მინისტრმა სალომე ზურაბიშვილმა „კვირის პალიტრასთან" საუბრისას განაცხადა, რომ წინასაარჩევნოდ მატერიალურად იმ ადამიანებზეა დამოკიდებული, ვინც ფინანსურ დახმარებას გაუწევს, მაგრამ  პარლამენტში ყოფნისას,  თავს მათთან ანგარიშვალდებულად არ  ჩათვლის.

„ჩემი ფინანსური ფაქტორი ჩემი ძალაა, ამ მხრივ აბსოლუტურად  იმ ადამიანებზე ვარ დამოკიდებული, ვინც წინასაარჩევნოდ მატერიალურად დამეხმარებიან -  ბიზნესმენებს ვგულისხობ.

თუმცა აქვე ვაცხადებ, რომ წინასაარჩევნოდ ფინანსური დახმარება არ ნიშნავს, რომ პარლამენტში თავს მათთან ანგარიშვალდებულად ვიგრძნობ.

საერთოდ, ფულით არჩევნების ჩატარება ან პოლიტიკაში ფინანსური სარგებლის მისაღებად მოსვლა საქართველოში უნდა დასრულდეს", - განაცხადა სალომე ზურაბიშვილმა.

წყარო :