პოლონეთმა უკრაინას Leopard 2-ის პირველი ოთხი ტანკი გადასცა. ტანკების მიღების პროცესს პოლონეთისა და უკრაინის პრემიერ-მინისტრები დაესწრნენ.

„ერთი წლის წინ ტანკები შემოვიდნენ უკრაინაში, რათა უკრაინელებისთვის თავისუფლება წაერთმიათ. დღესაც ტანკები შემოვიდნენ უკრაინაში, მაგრამ თავისუფლების დასაცავად. პარტნიორების მიერ მოწოდებულ Leopard 2-ის პირველ ოთხ ტანკს პოლონეთის პრემიერ-მინისტრ მატეუშ მორავეცკისთან ერთად შევხვდით“, - განაცხადა უკრაინის მთავრობის მეთაურმა.