„მე ახლა ვეუბნები ტურაძე - მელაძესაც, რომ ეგ არის ქვეყნის მოღალატე,“ - ასე გამოეხმაურა „POSTV“-ის „დიდ გადაცემაში“ რაგბის ფედერაციის პრეზიდენტი იოსებ ტყემალაძე ტვ „პირველზე“, ნოდარ მელაძის გადაცემაში გასულ სიუჟეტს, რომელშიც საუბარია იმის შესახებ, რომ 2022 წლის 9 ივლისს, საქართველო-იტალიის მატჩის წინა დღეს, რაგბის ფედერაციამ სასტუმრო „ლიცში“ რუს ბიზნესმენებს უმასპინძლა, რომლებიც იქ ბიძინა ივანიშვილის პირადი ვერტმფრენით ჩავიდნენ.

მისი თქმით, ქვეყნის ღალატი რა არის თუ არა ის, რაც ყველაზე ფასეულს - სარწმუნოებას ეხები.

„მე ახლა ვეუბნები ტურაძე - მელაძესაც, რომ ეგ არის ქვეყნის მოღალატე. ყველა მორაგბეა თუ ვინც კი მე მიცნობს, შეუძლია ხმამაღლა, ქვეყნის ღალატი რა არის თუ არადა ის, რაც ყველაზე ფასეულს ეხები. ეს არის სარწმუნოება, რაგბის კვართია, ჩვენ კვართს ვეძახით, ეს არის ჩვენი ღირსება,“ - განაცხადა იოსებ ტყემალაძემ.