სერია A-სთან პარტნიორობით, EA Sports-მა, იტალიის ფეხბურთის ჩემპიონატის თებერვლის საუკეთესო მოთამაშის ნომინანტები დაასახელა, მათ შორის ხვიჩა კვარაცხელიაც მოხვდა.

„ნაპოლის“ ქართველ გარემარბთან ერთად, ჯილდოსთვის ასევე იბრძვიან „ლეჩეს“ მცველი ფედერიკო ბაშიროტო, „იუვენტუსის“ ნახევარმცველი ანხელ დი მარია, „ნაპოლის“ ფორვარდი ვიქტორ ოსიმენი და „ტორინოს“ ნახევარმცველი ალექსეი მირანჩუკი.

22 წლის ხვიჩა კვარაცხელიამ თებერვალში, სერია A-ში, 4 მატჩი ჩაატარა, 3 გოლი გაიტანა და 1 საგოლე გადაცემა შეასრულა.

სერია A-ს თვის საუკეთესო მოთამაშის გამოკითხვაში ხმის მიცემა შეგიძლიათ ბმულზე:

https://serieapotm.easports.com/