საქართველოს პრეზიდენტის გუშინდელ განცხადებას პროფესორი იოსებ ჭუმბურიძე სოციალურ ქსელში ეხმაურება.

„თურმე, ამერიკისთვის საფრანგეთისგან ნაჩუქარი ქანდაკება ყოფილა „ის სიმბოლო", რისთვისაც საქართველო მუდამ იბრძოდაო(?!).

ზუსტად ასე თქვა წუხელ საქართველოს პრეზიდენტმა.

***

აქ არ ჩანს მხოლოდ ის პრობლემა, რომ ქართული ვერა და ვერ ისწავლა.

ქართული რომ ესწავლა, ასე იტყოდა:

„ჩემს უკან მოჩანს იმის სიმბოლო, რისთვისაც ქართველები მუდამ ვიბრძოდით"...

***

მაგრამ ქართულიც რომ სცოდნოდა, მაინც იმასვე იტყოდა, რადგან ამერიკისთვის საფრანგეთისგან ნაჩუქარი ქანდაკება მისთვის უფრო ძვირფასია, ვიდრე ყინწვისის იგავმიუწვდომელი ანგელოზი.

***

ძალიანაც რომ მოვინდომო, ალბათ, ვერც გავაგებინებ, რა დიდი სხვაობაა ამ ფრაზასა და მის ნათქვამს შორის.

მთავარი კი მაინც ესაა:

წუხელ, ჩვენი სამშობლოსათვის ასეთ საბედისწერო მომენტში, საქართველოს პრეზიდენტი მხოლოდ საკუთარ თავზე ფიქრობდა.

კიდევ ერთხელ ნახეთ მისი  გამოსვლა და დააკვირდით:

როგორ გასცა ერთმა გაღიმებამ?!

***

ო, ეს ღიმილი!..

***

წუხელ მან არათუ პრეზიდენტის, უბრალოდ, ქალის როლიც ვერ შეასრულა.

პირიქით: ცეცხლზე ნავთი დაასხა.

***

არარაობავ, პრეზიდენტი უნდა გერქვას შენ?!“ - წერს იოსებ ჭუმბურიძე.