სისხლის სამართლის საერთაშორისო სასამართლოს პრეზიდენტმა, პიოტრ ჰოფმანსკიმ განაცხადა, რომ ვლადიმირ პუტინის დაკავების ორდერი მსოფლიოსთვის ძალიან მნიშვნელოვანი სიგნალია.

„დაკავების ორდერი არ არის ჯადოსნური ჯოხი, თუმცა ჩვენ გვჯერა დაკავების ორდერის შემაკავებელი ეფექტის და გვჯერა, რომ ეს არის ძალიან მნიშვნელოვანი სიგნალი მსოფლიოსთვის, რომ ჩვენ ვაკეთებთ ჩვენს საქმეს, რომ დაზარალებულები არ დარჩებიან მარტო, ისინი არ არიან დავიწყებულნი და ჩვენ უბრალოდ ვაკეთებთ იმას, რისი მოლოდინიც არის“, - აღნიშნა სისხლის სამართლის საერთაშორისო სასამართლოს პრეზიდენტმა.

ჰააგის სისხლის სამართლის საერთაშორისო სასამართლომ (ICC) რუსეთის პრეზიდენტის, ვლადიმირ პუტინის დაკავების ორდერი გასცა.

სისხლის სამართლის საერთაშორისო სასამართლო ვლადიმირ პუტინს უკრაინაში ჩადენილ სამხედრო დანაშაულებზე პასუხისმგებლობას აკისრებს.

სისხლის სამართლის საერთაშორისო სასამართლომ ასევე გასცა რუსეთის პრეზიდენტის აპარატში ბავშვთა უფლებების კომისრის დაკავების ორდერი.

2022 წლის მარტში, საქართველომ 37 ქვეყანასთან ერთად უკრაინის ტერიტორიაზე რუსეთის მხრიდან ჩადენილი ომის დანაშაულებების გამოძიების მოთხოვნით ჰააგაში მდებარე სისხლის სამართლის საერთაშორისო სასამართლოს (ICC) მიმართა.