რუსეთის პრეზიდენტმა, ვლადიმირ პუტინმა ჩინეთის ლიდერთან, სი ძინპინთან შეხვედრაზე განაცხადა, რომ ჩინეთის წინადადება უკრაინაში სამშვიდობო გეგმის შესახებ კონფლიქტის დარეგულირების საფუძველი შეიძლება გახდეს. ინფორმაციას ამის შესახებ ტელეკომპანია CNN-ი ავრცელებს.

„ჩინეთის სამშვიდობო გეგმის ბევრი პუნქტი შეიძლება გახდეს უკრაინაში კონფლიქტის დარეგულირების საფუძველი, როდესაც დასავლეთი და კიევი მზად იქნებიან ამისთვის“, - აღნიშნა რუსეთის პრეზიდენტმა.

20 მარტს, უკრაინის ეროვნული უსაფრთხოებისა და თავდაცვის საბჭოს მდივანმა, ოლექსი დანილოვმა განაცხადა, რომ ჩინეთის ნებისმიერი სამომავლო სამშვიდობო გეგმა უკრაინის ტერიტორიიდან რუსული ჯარების სრულად გაყვანას უნდა ეფუძნებოდეს.

• უკრაინის უსაფრთხოების საბჭოს მდივანი: ჩინეთის ნებისმიერი სამომავლო სამშვიდობო გეგმა უკრაინის ტერიტორიიდან რუსული ჯარების სრულად გაყვანას უნდა ეფუძნებოდეს

24 თებერვალს, ოფიციალურმა პეკინმა უკრაინაში კრიზისის პოლიტიკური დარეგულირების მიზნით 12-პუნქტიანი გეგმა გამოაქვეყნა.

• ჩინეთი უკრაინაში კრიზისის პოლიტიკური დარეგულირების შესახებ 12-პუნქტიან გეგმას აქვეყნებს