„ამერიკის მემარცხენე ლიბერალების მიერ ოპონენტის პოლიტიკურად მოტივირებული კლასიკური დევნა. როგორი ტრაგიკომიკური ხდება იქაური დიპლომატიურ-პოლიტიკური "ქადაგება" საქართველოს დეპოლარიზაციაზე, მართლმსაჯულების რეფორმირებაზე და სხვა ბლა ბლაზე, როცა საკუთარ ქვეყანაში წარმოუდგენელი ბარდაკი აქვთ. ხოლო საერთაშორისო ურთიერთობაში კი სრული ქაოსი,“ - ასე ეხმაურება ანალიტიკოსი გია აბაშიძე აშშ-ის ყოფილ პრეზიდენტ დონალდ ტრამპისთვის ბრალის წაყენებას.

როგორც აბაშიძე აღნიშნავს, 2016 წლის საპრეზიდენტო კამპანიის ბოლო დღეებში პორნო მსახიობმა სტორმი დანიელსმა, ტრამპთან სავარაუდო სექსუალური კავშირის შესახებ სიჩუმის სანაცვლოდ, 130 000 დოლარი მიიღო.

„ამერიკის მემარცხენე ლიბერალების მიერ ოპონენტის პოლიტიკურად მოტივირებული კლასიკური დევნა. როგორი ტრაგიკომიკური ხდება იქაური დიპლომატიურ-პოლიტიკური "ქადაგება" საქართველოს დეპოლარიზაციაზე, მართლმსაჯულების რეფორმირებაზე და სხვა ბლა ბლაზე, როცა საკუთარ ქვეყანაში წარმოუდგენელი ბარდაკი აქვთ. ხოლო საერთაშორისო ურთიერთობაში კი სრული ქაოსი. ნაფიცმა მსაჯულებმა მხარი დაუჭირეს აშშ-ის ყოფილ პრეზიდენტ დონალდ ტრამპისთვის ბრალის წაყენებას. მანჰეტენის საოლქო პროკურორმა, ალვინ ბრაგმა [ფლორიდის გუბერნატორ დესანტისის ინფორმაციით, სოროსის მიერ დასპონსორებული] ნიუ-იორკის ნაფიც მსაჯულთა დიდ კოლეგიას წარუდგინა სამხილები პორნომსახიობ სტორმი დანიელსისთვის 130 000 დოლარის გადახდის შესახებ, რაც წყაროების თანახმად, მან 2016 წლის საპრეზიდენტო კამპანიის ბოლო დღეებში, ტრამპთან სავარაუდო სექსუალური კავშირის შესახებ სიჩუმის სანაცვლოდ მიიღო.

ტრამპმა ასეთი ურთიერთობის ფაქტი უარყო და მისმა ადვოკატმა დანიელსს, რომლის ნამდვილი სახელი სტეფანი კლიფორდია, ბრალი გამოძალვაში დასდო. ზერეიტინგულ ტრამპს გაასამართლებენ იმის გამო, რაც თავის დროზე ფედერალურმა საარჩევნო კომისიამ თქვა, რომ არ შეიცავდა დანაშაულის ნიშნებს. პირად ურთიერთობაში გაუთქმელობისთვის თანხის გადახდა პირადი ხარჯია და ჩვეული პრაქტიკაა აშშ-ის პოლიტიკურ ელიტებში, ჰოლივუდში და შოუბიზნესში. თანხის გადარიცხვისას არასწორი ბუღალტრული აღრიცხვა კი ხარვეზია და არა დანაშაული. ამასთან, ფინანსურ ხარვეზზე ხანდაზმულობის ვადა უკვე გასულია. „ეს არის პოლიტიკური დევნა და ისტორიაში პირველად არჩევნებში ჩარევა უმაღლეს დონეზე“, - თქვა ტრამპმა განცხადებაში.

მან დასძინა: „იმ დროიდან, რაც მე ჩამოვედი „ტრამპ თაუერის“ [საკუთარი ცათამბჯენი ნიუ-იორკში] ოქროს ესკალატორიდან და მანამდეც კი, სანამ ფიცს დავდებდი, როგორც თქვენი პრეზიდენტი, რადიკალი მემარცხენე დემოკრატები ამ ქვეყნის შრომისმოყვარე მამაკაცებისა და ქალების მტრები იყვნენ. ისინი ჩაერთვნენ კუდიანებზე ნადირობაში, რათა გაანადგურონ მოძრაობა - გავხადოთ ამერიკა კვლავ დიადი“. „დემოკრატებმა მოგატყუეს და მოგპარეს „ტრამპის დაჭერის“ მცდელობით, მაგრამ ახლა მათ გააკეთეს წარმოუდგენელი - სრულიად უდანაშაულო პირს ბრალი წაუყენეს, რაც არჩევნებში აშკარა ჩარევაა“, - თქვა ტრამპმა და აღნიშნა: „ჩვენი ერის ისტორიაში ეს არასდროს ყოფილა“. მისი განცხადებით, დემოკრატები დამნაშავეები არიან „მართლმსაჯულების სისტემის იარაღად გამოყენებაში პოლიტიკური ოპონენტის დასასჯელად“. ყოფილი პრეზიდენტის ადვოკატმა ალინა ჰაბამ თქვა, რომ ტრამპი „ამერიკული მართლმსაჯულების სისტემისა და ისტორიის კორუმპირებული და დამახინჯებული ვერსიის მსხვერპლია“. „ის გამართლდება“, - აღნიშნა ადვოკატმა. Trump indicted after Manhattan DA probe for hush money payments,“ - წერს აბაშიძე ფეისბუქზე.