აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა, რომ მხოლოდ უკრაინის პრეზიდენტ ვოლოდიმირ ზელენსკის შეუძლია განსაზღვროს, სურს თუ არა მოლაპარაკებები რუსეთთან.

„მხოლოდ პრეზიდენტ ზელენსკის შეუძლია განსაზღვროს, მზად არის თუ არა და როდის არის მზად მოლაპარაკებისთვის, რა კონტექსტში და რის შესახებ. ჩვენ მივიჩნევთ, რომ უკრაინის გარეშე მოლაპარაკებები უკრაინაზე არ შეიძლება“, - აღნიშნა აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა.