პარიზში, საფრანგეთის მეცნიერებათა აკადემიაში, ასოციაცია „ფრანგულმა რენესანსმა“ პოეტ დავით მაღრაძეს და მისი პოემის „ბარაქიანი მიწა” ფრანგულ ვერსიას უმასპინძლა.

შეხვედრა საფრანგეთში საქართველოს საელჩოსა და „სილქნეტის“ ორგანიზებით შედგა.

წიგნის განხილვაში მონაწილეობდნენ: „ზღვის იქითა აკადემიის“ პრეზიდენტი როლან პურტიე, ასოციაცია „ფრანგული რენესანსის“ ვიცე-პრეზიდენტი მიშელ ლებონი, ფრანგი პოეტი და ლიტერატურის კრიტიკოსი კაროლ მესრობიანი, გამომცემლობა- Edition Du Cygne-ს რედაქტორ- გამომცემელი პატრის კანოსე. შეხვედრას უძღვებოდა საქართველოს სრულუფლებიანი ელჩი საფრანგეთში გოჩა ჯავახიშვილი.

ფრანგმა მსახიობმა ალან რიბერამ და დათო მაღრაძემ აუდიტორიას ფრანგულ- ქართული პერფორმანსი შესთავაზეს და „ბარაქიანი მიწიდან“ ფრაგმენტები წაიკითხეს.