„იმ რედაქციაში, რომელიც პარლამენტის თავმჯდომარემ უკვე გააგზავნა ვენეციის კომისიაში, ექვსივე შენიშვნა შესაბამისად აისახა“, - ამის შესახებ საპარლამენტო უმრავლესობის დეპუტატმა, რატი იონათამიშვილმა ვენეციის კომისიისთვის გადაგზავნილ „დეოლიგარქიზაციის შესახებ“ კანონპროექტზე საუბრისას განაცხადა.
„ვენეციის კომისიამ მხოლოდ 6 შენიშვნა-მოსაზრება გამოთქვა და მათგან არცერთი არ იყო პირველი მოსმენის, ანუ პრინციპების დონეზე გასათვალისწინებელი შენიშვნები. ჩვენ აქტიურად და ნაყოფიერად ვიმუშავეთ და ვფიქრობ, რომ იმ რედაქციაში, რომელიც პარლამენტის თავმჯდომარემ უკვე გააგზავნა ვენეციის კომისიაში, ექვსივე შენიშვნა შესაბამისად აისახა“, - განაცხადა რატი იონათამიშვილმა.