„გაერთიანებული დემოკრატიული მოძრაობის" წევრი  დიმიტრი ლორთქიფანიძე ბოლი პერიოდში სააკაშვილის  სოციალურ ქსელში გავრცელებულ ვიდეომიმართვებს ეხმიანება და „რეპორტიორთან" საუბრისას აცხადებს, რომ მიხეილ სააკაშვილი შარშანდელი თოვლია -  როგორც შარშანდელი თოვლი აღარ გვახსოვს, ისე უნდა დავივიწყოთ სააკაშვილი.

„სააკაშვილი არის საქართველოს გუშინდელი დღე , შარშანდელი თოვლი, აი, როგორც შარშანდელი თოვლი აღარ გვახსოვს, ისე უნდა დავივიწყოთ სააკაშვილი და მასთან  დაკავშირებული ნებისმიერი საკითხი. სააკაშვილმა რეალურად ქვეყნიდან განდევნა უამრავი ადამიანი, მოახდინა საზოგადოების ძალიან დიდი ნაწილის გაღატაკება,  დაიჭირა ყოველი მესამე მოზრდილი მამაკაცი ქვეყანაში.  საქართველომ მოუშუშებელი იარები და ტკივილები მიიღო საკუთარ ტანზე და შესაბამისად, ასეთი პირის დადებით კონტექსტში მოხსენიება,  არა მგონია, საზოგადოების ინტერესში შედიოდეს. აუცილებლად უნდა მოხდეს მისი და მისი რეჟიმის გასამართლება. „ნაციონალური მოძრაობა" არის დამნაშავეთა ხროვა", - განაცხადა დიმიტრი ლორთქიფანიძემ.