თქვენ დავალებებს არ გაგატანინებთ, - ასე მიმართა საპარლამენტო ოპოზიციას ფრაქცია „ქართული ოცნების" თავმჯდომარემ, მამუკა მდინარაძემ პარლამენტში სიტყვით გამოსვლისას.

როგორც მდინარაძემ პარლამენტის პლენარულ სხდომაზე განაცხადა, საგამოძიებო კომისიის შექმნასთან დაკავშირებით, უმრავლესობის მიერ რეგისტრაციის კვლავ არ გავლა, ქართული სასამართლოს მიმართ სოლიდარობაა.

„რომ არა პრინციპული გადაწყვეტილება უამრავი ბერკეტია საგამოძიებო კომისიის შექმნის პირობებშიც, რომ თქვენი მავნებლობა ვერ ჩაიდინოთ, ეს თქვენ იცით. ამიტომ არის ასეთი პრინციპული პოზიცია, რომ არ შეიქმნას კომისია და ამით ჩვენ გამოვხატოთ სოლიდარობა ქართული სასამართლოს მისამართით და თქვენ დავალებებს არ გაგატანინებთ!“,- განაცხადა მდინარაძემ.