ქალთა ეკონომიკური გაძლიერების სახელმწიფო კონცეფციით გათვალისწინებული აქტივობებზე იმსჯელეს დღეს პარლამენტში. შეხვედრა საკითხზე გენდერული თანასწორობის მუდმივმოქმედი საპარლამენტო საბჭოს წევრებსა და სახელმწიფო უწყებების წარმომადგენლებს შორის შედგა.  

გენდერული საბჭოს თავმჯდომარის, ნინო წილოსანის განცხადებით, პარლამენტის მიერ პრინციპების დონეზე მიღებული კონცეფცია უნდა აისახოს სამინისტროების სამოქმედო გეგმებში.

„ჩვენ, ქალთა ეკონომიკური გაძლიერების სახელმწიფო კონცეფციის განხორციელების შემდგომ ეტაპზე ვართ გადასული. დღეს, უკვე დეტალურად გავწერეთ რა ფორმით და რა აქტივობებს განახორციელებენ სამინისტროები. საზოგადოებას, შემდგომში უკვე გავაცნობთ კონკრეტულ მაგალითებს, რაც ქალთა ეკონომიკური გაძლიერებისთვის იქნება გათვალისწინებული“, - აღნიშნა ნინო წილოსანმა.