„ბიძინა ივანიშვილმა ქართველებს სამშობლო გადაურჩინა და დღეს ქართველი ხალხი თავად დაიცავს მის უსაფრთხოებას. შესაძლოა, ვიღაც მასზე იყოს გაბრაზებული, მაგრამ ეს იმას არ ნიშნავს, რომ საზოგადოების ეს ნაწილი თქვენს მზაკვრულ გეგმას შეუერთდება. გონება გულის კარნახით მოქმედებს, უმეტესად. გული კი ყოველთვის სიმართლეს ირჩევს.

აბა, გაბედეთ! ბიძინა ივანიშვილისთვის ხელის ხლება პროცესებს თქვენთვის სავალალოდ კი არ დააჩქარებს, არამედ დაასრულებს“, - ამის შესახებ „ხალხის ძალის“ წევრმა თამარ ჩიბურდანიძემ სოციალურ ქსელში დაწერა.

მისი თქმით, ბიძინა ივანიშვილის პატიმრობაზე საუბარი ქართული საზოგადოების მღელვარების ფონზე, თანაც ერთ-ერთი აგენტის მხრიდან, მხოლოდ და მხოლოდ უვიცობისა და უგუნურების გამოვლინებაა.

„რა დონის უგუნური უნდა იყო, რომ დღეს, საზოგადოების მღელვარების პიკში ერთ-ერთ აგენტს ათქმევინო ის, რაც მათი დიდი ხნის ოცნებაა - ბიძინა ივანიშვილის დაპატიმრება.

რა დონის უვიცი უნდა იყო, რომ ვერ გათვალო, რა მოჰყვება ამას და რაზეა წამსვლელი ქართველი ხალხი? როგორც ჩანს, მათთვის ერთადერთი გამოსავალი ეს დარჩა. უკრაინის ომისგან სასოწარკვეთილებაში ჩავარდნილი დასავლეთი გამოსავლის გზებს ეძებს და ვერ პოულობს. საქართველო მსხვერპლი უნდა გახდეს. საქართველოს მსხვერპლთშეწირვაში კი მათ ბიძინა ივანიშვილი ეღობება. ამას არ პატიობენ და სურთ, შური იძიონ მასზე.

ფრთხილად! ქართველი ხალხი დუღს! 2012 წელი აუცილებლად განმეორდება კიდევ უფრო დიდი მღელვარებით. მაშინ ივანიშვილმა შეძლო ისტორიული ცვლილებების უსისხლოდ მოტანა და ხალხიც დაემორჩილა. დღეს საზოგადოების დამორჩილება ძნელია. დღეს ყველამ გაიგო ის, რაც დამალული იყო სააკაშვილის იმ ავბედითი სისხლიანი მმართველობის დროს! დღეს ხალხმა გაიგო მშვიდობის ფასი! დღეს ქართველმა ხალხმა ღიად დაინახა, თუ როგორ ანაცვლებს რუსეთს ამერიკა, როგორც დამპყრობელი! დღეს ქართველი ხალხი ხედავს ყველაფერს და ვეღარავინ შეძლებს მის მოტყუებას!

დასავლეთი სამოქალაქო ომს ამზადებს საქართველოში, მაგრამ მჯერა ხალხის გონიერების, რომ არ აჰყვება მათ პროვოკაციას. რთულად, მაგრამ კვლავ მშვიდობით გადავიტანთ ამ არნახულ ზეწოლას დასავლეთიდან და გავიყვანთ ქვეყანას უვნებლად.

მინდა, იცოდეს ჩვენი ქვეყნის ყველა მტერმა, რუსეთმა თუ ახალმა დიქტატორებმა, რაც არ უნდა ძლიერ აჟღარუნოთ იარაღი, თქვენ მოკვდავნი ხართ, საქართველოს კი უკვდავების გვირგვინი ადგას თვით ღვთისმშობლისგან და შეუძლებელია მისი განადგურება!

ბიძინა ივანიშვილმა ქართველებს სამშობლო გადაურჩინა და დღეს ქართველი ხალხი თავად დაიცავს მის უსაფრთხოებას. შესაძლოა, ვიღაც მასზე იყოს გაბრაზებული, მაგრამ ეს იმას არ ნიშნავს, რომ საზოგადოების ეს ნაწილი თქვენს მზაკვრულ გეგმას შეუერთდება. გონება გულის კარნახით მოქმედებს, უმეტესად. გული კი ყოველთვის სიმართლეს ირჩევს. აბა, გაბედეთ! ბიძინა ივანიშვილისთვის ხელის ხლება პროცესებს თქვენთვის სავალალოდ კი არ დააჩქარებს, არამედ დაასრულებს“, - წერს თამარ ჩიბურდანიძე