თბილისის საკრებულოს უმრავლესობის დეპუტატი ვლადიმერ ბოჟაძე NDI-ის მიერ გამოქვეყნებულ კვლევას ეხმაურება.

მისი თქმით, საზოგადოებრივი აზრის კვლევის შედეგების მიხედვით, მმართველ პარტიას 4-ჯერ მეტი ამომრჩეველი უჭერს მხარს, ვიდრე „ნაციონალურ მოძრაობას“, ხოლო 1.8-ჯერ მეტი ამომრჩეველი ჰყავს, ვიდრე მთლიანად ოპოზიციურ სპექტრს.

„NDI-ის საზოგადოებრივი აზრის კვლევის შედეგების მიხედვით: „ქართულ ოცნებას“ 4-ჯერ მეტი ამომრჩეველი უჭერს მხარს, ვიდრე „ნაციონალურ მოძრაობას“ და 3.33-ჯერ მეტი, ვიდრე სხვა ოპოზიციურ პარტიებს ჯამურად, ანუ „ქართულ ოცნებას“ 1.8-ჯერ მეტი ამომრჩეველი ჰყავს ვიდრე მთელ ოპოზიციურ სპექტრს!“ - წერს ვლადიმერ ბოჟაძე ფეისბუქზე.