საპარლამენტო უმრავლესობის წევრ რატი იონათამიშვილს მიაჩნია, რომ რადიკალურ ოპოზიციას ე.წ. ქოლცენტრების საქმეზე საგამოძიებო კომისიის შექმნა დავით კეზერაშვილის დახმარების მიზნით სურს.

„ფაქტებით შეგვიძლია ვთქვათ, რომ ერთადერთი ინტერესი, რაც დროებით საგამოძიებო კომისიაზე რადიკალურ ოპოზიციას აქვს, არის ის, რომ დაეხმაროს კეზერაშვილს რამენაირად თავი აარიდოს პასუხისმგებლობას. ის ძალიან ახლოს გრძნობს გამოძიების კვლავ, ვინაიდან სწორედ კეზერაშვილი არის ამ ამორალური და კრიმინალური სინდიკატის მთავარი მოქმედი პირი“, - განაცხადა იონათამიშვილმა.