უკრაინაში რუსეთის შეჭრა ჩინეთს ინფორმაციას აწვდის ტაივანში შესაძლო შეჭრასთან დაკავშირებით, - განუცხადა ტელეკომპანია CNN-ს ნატოს გენერალურმა მდივანმა, იენს სტოლტენბერგმა.

„რაც ხდება ევროპაში მნიშვნელოვანია აზიისთვის და რაც ხდება აზიაში მნიშვნელოვანია ევროპისთვის“, - აღნიშნა ნატოს გენერალურმა მდივანმა.

„უსაფრთხოება გლობალური [საკითხია]. პეკინი ყურადღებით აკვირდება რა ხდება უკრაინაში, ფასს, რომელსაც პრეზიდენტი პუტინი იხდის, მაგრამ ასევე პოტენციურ ჯილდოს. ასე რომ, რაც ხდება უკრაინაში, რეალურად მნიშვნელოვანია პეკინის, ჩინეთის გათვლებისთვის, მაგალითად, ტაივანთან დაკავშირებით“, - განაცხადა იენს სტოლტენბერგმა.