აშშ-ის პრეზიდენტ ბარაქ ობამას განცხადებით, რესპუბლიკელი დონალდ ტრამპი ვერ იქნება პრეზიდენტი, ვინაიდან პრეზიდენტობა სერიოზული საქმეა.

„მე კვლავ მჯერა, რომ ბატონი ტრამპი არ იქნება პრეზიდენტი. ეს იმიტომ, რომ მე ამერიკელ ხალხს ვენდობი. ისინი აცნობიერებენ, რომ პრეზიდენტობა სერიოზული საქმეა. ეს არ არის თოქშოუს ან „რეალითი შოუს" წაყვანა. ეს არ არის მარკეტინგი, ეს რთული საქმეა", - განაცხადა ბარაქ ობამამ.

აშშ-ის საპრეზიდენტო არჩევნების ერთ-ერთი კანდიდატი დონალდ ტრამპი ბარაქ ობამას განცხადებას გამოეხმაურა. ტრამპის განცხადებით, მისთვის კომპლიმენტია კრიტიკა იმ პრეზიდენტის მხრიდან, „რომელმაც ქვეყანას დიდი ზიანი მიაყენა".