პარლამენტმა მესამე მოსმენით განიხილა და 72 ხმით მიიღო კანონპროექტი „კორუფციის წინააღმდეგ ბრძოლის შესახებ“ საქართველოს კანონში ცვლილების შეტანის თაობაზე“.

საკითხი პლენარულ სხდომაზე მთავრობის საპარლამენტო მდივანმა ვახტანგ ბაჩიაშვილმა წარადგინა.

კანონის პროექტის თანახმად, „კორუფციის წინააღმდეგ ბრძოლის შესახებ“ საქართველოს კანონში გაფართოვდება თანამდებობის პირთა ჩამონათვალი და მასში მოექცევა „პროკურატურის შესახებ“ ორგანული კანონით განსაზღვრული პროკურორი, ევროჯასტში მეკავშირე პროკურორი და მეკავშირე პროკურორის დამხმარე.